Wasiirka Diinta iyo Awqaafta Jamhuuriyadda Somaliland Sh. Cabdullaahi Daahir Jaamac (Baashe), oo qoraal kooban ku baahiyey bartiisa Twitter/X ayaa sharaxaad kaga bixiyey muhiimadda ay Somaliland u leedahay gobolka iyo caalamkaba.
Wasiirku waxa uu sheegay in Somaliland ALLE ku mannaystay khayraad iyo barakooyin fara badan, isla markaana goobta istaraatiijiga ah ee ay ku taalona ay ka dhigtay meel ay dunidu si gaar ah u danaynayso.
Wasiirku waxa uu xusay in aqoonsiga Somaliland aanu khatar ku ahayn cidna, balse uu xoojinayo xasilloonida iyo amniga heer gobol iyo heer caalami.
Ugu dambayntiina waxa uu farriin nabadeed u diray deriska, isagoo carrabka ku adkeeyey in dhaqanka Somaliland yahay nabad, jidkeeduna yahay deris-wanaag iyo wada noolaansho .
