Madaxweynaha Mareykanka Donald Trump
Madaxweynaha Maraykanka Donald Trump ayaa sheegay in Soomaaliya aanay ahayn dal jira oo xiitaa dalba u eeg, waxaanu xusay in haddiiba uu dalka Soomaaliya jiri lahaa uu noqon lahaa ka ugu xun adduunka ee jira.
Madaxweyne Trump oo saxaafadda caawa la hadlay waxa uu isku xidhiidhiyey Soomaaliya iyo Xildhibaanad Ilhan Cumar oo uu ku eedeeyey inay tahay xildhibaanad xun oo been-abuur ah, isla markaana qayb ka ah hantida Maraykanka lagaga dhacay gobolada ay Soomaalidu degto.
Maaha markii u horaysay ee uu eedeeyo Madaxweyne Donald Trump Soomaaliya, balse dhawr jeer ayuu hore u sheegay in aanay Soomaaliya ahayn waddan jira.
